ഞമ്മടെ ഇമ്മിണി ബല്ല്യ കനവുകള്...

2011-05-08T08:43:00.000-07:00

പതിമൂന്നാം നിയമസഭ തിരഞ്ഞെടുപ്പില്‍ ഇടതുപക്ഷ ജനാധിപത്യമുന്നണിക്ക്‌ കനത്ത തിരിച്ചടി . കേരളത്തില്‍ യു ഡി എഫ് നൂറു സീറ്റു കരസ്ഥമാക്കിയപ്പോള്‍ ബംഗാളില്‍ മമതാ ബാനര്‍ജിയുടെ നേതൃത്വത്തിലുള്ള കൂട്ടുമുന്നണിയാണ് അധികാരത്തില്‍ വരുന്നത്. പതിറ്റാണ്ടുക ളോളം സി പി എം ഭരിച്ചിരുന്ന ബംഗാ ളില്‍ പാര്‍ട്ടിക്ക് ഏറ്റ തോല്‍വി ചര്‍ച്ച ചെയ്യാന്‍ നാളെ അവയിലബിള്‍ പോളിറ്റ് ബ്യുറോ ഡല്‍ഹിയില്‍ ചേരും.

കേരളത്തില്‍ എല്‍ ഡി എഫിന് ഏറ്റ പരാജയത്തിന്‍റെ ഉത്തരവാദിത്വം ഏറ്റെടുത്തു വി എസ് അച്യുതാനന്ദന്‍ മുഖ്യമന്ത്രി സ്ഥാനം രാജിവെച്ചു . ചില നേതാക്കള്‍ പാര്‍ട്ടിയെ ക്കാളും വലുതാണെന്ന് ഭാവിച്ചു പ്രചരണം നടത്തിയതുകൊണ്ടാണ് പരാജയം ഉണ്ടായതു എന്ന് സി പി എം സംസ്ഥാന സെക്രട്ടറി പിണറായി വിജയന്‍ പറഞ്ഞു . പ്രതിലോമശക്തികളും പ്രതിക്രിയാവാദികളും അതുപോലെ ചില പ്രത്യേക മതസാമുദായിക ശക്തികളും ഒരുമിച്ചു ചേര്‍ന്ന് എല്‍ ഡി എഫിനെ തോല്പ്പിക്കുകയായിരുന്നുവെന്നു ഇടതുപക്ഷ ജനാധിപത്യ മുന്നണി കണ്‍വീനര്‍ വൈ ക്കം വിശ്വന്‍ ആരോപിച്ചു . അമേരിക്കന്‍ കുത്തകകള്‍ കേരളത്തില്‍ നിലയുറപ്പി ക്കാനെ ഈ വിജയം ഉപകരിക്കുവുള്ളൂവെന്ന് പി ജയരാജന്‍ അഭിപ്രായപെട്ടു .

മുന്നണികള്‍ മാറി മാറി പരീക്ഷിക്കുന്ന കേരളത്തിലെ രീതി ഇക്കുറി വി എസ് തരംഗത്തില്‍ ഇല്ലാതാവുമെന്നായിരുന്നു എല്‍ ഡി എഫ് പ്രതീക്ഷിച്ചിരുന്നത്. തിരഞ്ഞെടുപ്പിന് മുന്‍പ് യു ഡി എഫ് നേതാക്കള്‍ക്ക് എതിരെ ഉണ്ടായ ആരോപണങ്ങളും വി എസിന്‍റെ ജനകീയതയും വോട്ടായി മാറുമെന്നായിരുന്നു കമ്മ്യൂണിസ്റ്റ്‌ പാര്‍ട്ടി കണക്കുകൂട്ടിയിരുന്നത് . ഐസ്ക്രീം പാര്‍ലര്‍ കേസിലെ പുതിയ സംഭവവികാസങ്ങള്‍ മലപ്പുറത്ത്‌ ലീഗിന്‍റെ കോട്ടയ്ക്കു വിള്ളല്‍ വീഴ്ത്തും എന്നായിരുന്നു സംസ്ഥാന സെക്രട്ടറിയേറ്റി ന്‍റെ വിലയിരുത്തല്‍ . എന്നാല്‍ പെണ്‍ വാണിഭക്കാരെ മുഴുവന്‍ കയ്യാമം വെച്ച് നടത്തും എന്നുള്ള മുഖ്യമന്ത്രിയുടെ പ്രസംഗമാണ് എല്‍ ഡി എഫിന്‍റെ തോല്‍വിക്ക് കാരണം എന്ന് മുന്‍ കണ്ണൂര്‍ ജില്ല സെക്രട്ടറി പി ശശി അഭിപ്രായപെട്ടു. പെണ്ണ് ഉള്ളയിടതെല്ലാം പെണ്‍വാണിഭം ഉണ്ടാകും എന്ന് പണ്ട് നായനാര്‍ പറഞ്ഞത് ശരിയാണെന്നും , വേങ്ങര നിയോജക മണ്ഡലത്തില്‍ പി കുഞ്ഞാലി കുട്ടിയുടെ വിജയം ഇതിനു ഉത്തമ ഉദാഹരണം ആണെന്നും പി ശശി മാധ്യമ പ്രവര്‍ത്തകരോട് പറഞ്ഞു. കോയമ്പത്തൂര്‍ ആര്യവൈദ്യശാലയില്‍ ഞരമ്പ്‌ രോഗ ചികിത്സ കഴിഞ്ഞു എത്തിയതായിരുന്നു അദ്ദേഹം.

അവസാനം ഞാന്‍ അവളെ തന്നെ കെട്ടാന്‍ തീരുമാനിച്ചു.....

2010-09-02T15:33:00.000-07:00

ഇനിയും നീട്ടികൊണ്ട് പോകുന്നതില്‍ അര്‍ത്ഥമില്ല...

ഇവളുടെ അനിയത്തി സരസുവുമായുള്ള എന്‍റെ രഹസ്യ പ്രേമം അവസാനിപ്പിക്കാന്‍ ഞാന്‍ തീരുമാനിച്ചു....

2002 ല്‍ പവന് 7200 രൂപ ഉണ്ടായിരുന്നപ്പോള്‍ ഞാന്‍ അവളെ ട്യുന്‍ ചെയ്തു തുടങ്ങിയതാണ്‌ .....ഇന്നത്തെ കമ്പോള വില നിലവാരത്തില്‍ പവന് 15000 രൂപ എത്തിയിരിക്കുന്നു...

പറ്റുമെങ്കില്‍ പവന് 20000 രൂപ വരെ വെയിറ്റ് ചെയ്യണമെന്നു എനിക്ക് ആഗ്രഹമുണ്ടെങ്കിലും എന്‍റെ ഭാവി അമ്മായിയപ്പന്‍ ആള് ശരിയല്ല.. പുള്ളിക്കാരന്‍ എന്നെ പോലെ വേറെ ഒരു പൂവാലനെ പിടിച്ചു അവളെ കെട്ടിച്ചയച്ചാലോ ????

വേണ്ടാ....15000 എങ്കില്‍ 15000 ....ഉള്ളത് കൊണ്ട് അഡ്ജസ്റ്റ് ചെയ്യാം ....

ഞാന്‍ എന്നാണ് അവളെ കെട്ടുന്നത് എന്ന് നോക്കി ഇന്‍കം ടാക്‌സ് കാര് എന്‍റെ വീടിന്‍റെ ചുറ്റും കാവല്‍ നില്‍ക്കുവാണ്..
അത് കൊണ്ട് നിങ്ങളെ എല്ലാവരെയും ക്ഷണിക്കാന്‍ പറ്റുമെന്ന് തോന്നുന്നില്ല... അഥവാ വരുവാണെങ്കില്‍ തന്നെയും മുടിഞ്ഞ വെയിറ്റ്സ ഉള്ള സമ്മാനവും ഒന്നും കൊണ്ടുവരരുത്.....പ്ലീസ്

അവളുടെ ദേഹത്ത് മുഴുവനുള്ള സ്വര്‍ണം കൊണ്ട് പോകാന്‍ തന്നെ ആവശ്യത്തിനു ചുമട്ടു തൊഴിലാളികളെ കിട്ടിയിട്ടില്ല .......അപ്പോഴാണ്‌ .....

സ്നേഹപൂര്‍വ്വം , നിങ്ങളുടെ സ്വന്തം

തങ്കപ്പന്‍ , ( ഒപ്പ് )

നാളെ മുതല്‍ ഞാന്‍ തങ്കപ്പനല്ല ............പൊന്നപ്പന്‍.....

.....അങ്ങനെ കടുത്തുരുത്തിക്കാരന്‍ മോന്‍സ് ജോസഫ്‌ രക്ഷപെട്ടു ....!!!!

2010-05-27T08:48:00.000-07:00

വീട്ടുകാരുടെ എതിര്‍പ്പ് വകവയ്ക്കാതെ ഇറങ്ങി തിരിച്ച കാമുകി പാലായിലെയും തൊടുപുഴയിലെയും ലോഡ്ജുകളില്‍ അന്തിയുറങ്ങി ഒരു മാസത്തിനു ശേഷം കാമുകനുമായി ലയിച്ചു ഒന്നായി തീര്‍ന്നത് പോലെ മാര്‍ ജോസഫ്‌ എത്തിപ്പിടിയോസ് മെത്രാനും വാഴ്ത്തപെട്ട മാണി കത്തനാരും തമ്മിലുള്ള ' ലയന കൂദാശ ' ഇന്ന് കോട്ടയം തിരുന്നക്കര ഭദ്രാസനത്തില്‍ വെച്ച് നടന്നു .

   ഈ ലയനം നടക്കാന്‍ വേണ്ടി മെഴുകുതിരി കത്തിച്ചു പ്രാര്‍ഥിച്ചിരുന്ന ഒത്തിരി വിശ്വാസികള്‍ കോട്ടയം ഭാഗത്ത്‌ ഉണ്ടായിരുന്നുവെങ്കിലും അതില്‍ ഏറ്റവും കൂടുതല്‍ പ്രാര്‍ഥിച്ചിരുന്നത് ഒരു പക്ഷെ നമ്മുടെ കടുത്തുരുത്തിക്കാരന്‍, മോന്‍സ് ജോസഫ്‌ ആയിരിക്കാം .
   ഇനിയെങ്കിലും വലിയ ബുദ്ദിമുട്ടില്ലാതെ കടുത്തുരുത്തിയില്‍ ജയിക്കാമെല്ലോ !!! പാലാ കഴിഞ്ഞാല്‍ മാണി ഗ്രൂപ്പ്‌ കാര്‍ക്ക് ഏറ്റവും കൂടുതല്‍ വളക്കൂറുള്ള കടുത്തുരുത്തിയില്‍ L D F ന്‍റെ കൂടെ നിന്ന് ജയിക്കാന്‍ പെട്ട പാട് മോന്‍സിനെ അറിയാവുള്ളു.

   1996 ലാണ് കോട്ടയം ജില്ലയിലെ കടുത്തുരുത്തി മണ്ഡലം കേരളം ആകെ ശ്രദ്ദിക്കപെടുന്നത് . കേരള കോണ്‍ഗ്രസ്‌ ജേക്കബ്‌ ഗ്രൂപിലേക്ക് പോയ പി എം മാത്യുവിനെ തോല്പിക്കാനായി മുന്നണി മര്യാദകള്‍ മറന്നു മുന്‍ എം എല്‍ എ പി സി തോമസിനെ സ്വതന്ത്ര പരിവേഷത്തില്‍ രംഗത്തിറക്കി മാണി രംഗം കൊഴുപ്പിച്ചു . അന്നത്തെ ജോസഫ്‌ ഗ്രൂപിന്റെ വിദ്യാര്‍ഥി നേതാവായ മോന്‍സ് ജോസഫ് എല്‍ ഡി എഫ് ന്‍റെ സ്ഥാനാര്‍ഥി ആയതോടെ വാശിയേറിയ ത്രികോണ മത്സരം നടന്നു . സൗഹൃദ മത്സരം എന്ന് മാണിസാര്‍ വിശേഷിപ്പിച്ച ആ മത്സരത്തില്‍ മോന്‍സ് ജോസഫ്‌ പി സി തോമസ്‌ നേടിയ 20950 വോട്ടുകളുടെ സഹായത്തോടെ കടുത്തുരുത്തിയില്‍   ആദ്യ വിജയം നേടി .

   പിന്നീടങ്ങോട്ട് കടുത്തുരുത്തിയില്‍ ചരിത്രത്തിലെ ഏറ്റവും വലിയ വികസന പ്രവര്‍ത്തനങ്ങളാണ് മോന്‍സ് നടത്തിയത്. അന്നത്തെ നായനാര്‍ മന്ത്രിസഭയില്‍ വിദ്യാഭാസ പൊതുമരാമത്ത് വകുപ്പുകള്‍ കൈകാര്യം ചെയ്തിരുന്ന തന്‍റെ ലീഡര്‍ പി ജെ ജോസെഫിന്‍റെ സഹായത്തോടെ പ്ലസ്‌ ടു സ്കൂളുകള്‍ , പോളിടെക്നിക് , IHRD കോളേജ് തുടങ്ങിയ വിദ്യാഭ്യാസ സ്ഥാപനങ്ങളും നിരവധി റോഡുകളുടെ നവീകരണവും നടപ്പിലാക്കി . ആണ്ടിനും സംക്രാന്തിക്കും മാത്രം നേതാക്കളെ കാണാന്‍ സാധിച്ചിരുന്ന കടുത്തുരുത്തിയില്‍ മോന്‍സിന്‍റെ വരവ് ഒരു പുതിയ അത്ഭുതമായി മാറി .

   ഇനിയും ജേക്കബിന്‍റെ കൂടെ നിന്നിട്ട് രക്ഷയില്ലെന്നു മനസ്സിലായ പി എം മാത്യു അടുത്ത തിരഞ്ഞെടുപ്പില്‍ സീറ്റ്‌ തരാം എന്ന മാണി സാറിന്‍റെ വാക്ക് വിശ്വസിച്ചു അവരുടെ കൂടെ ചേര്‍ന്നൂ . മാണിയല്ലേ ആള്, ഇലക്ഷന്‍ അടുത്തപ്പോള്‍ കരുണാകരന്‍റെ സ്റ്റൈലില്‍ " ആര് പറഞ്ഞു ? എപ്പോള്‍ പറഞ്ഞു ?? ഞാന്‍ അങ്ങനെ പറഞ്ഞിട്ടില്ല " എന്ന് മാത്യുവിന്‍റെ മുഖത്ത് നോക്കി തന്നെ പറഞ്ഞു.

   മോന്‍സിന്‍റെ വ്യക്തി പ്രഭാവത്തില്‍ കടുത്തുരുത്തിക്കാര്‍ മയങ്ങുമോ എന്ന് പേടിച്ച മാണി സര്‍ ഒരു ഘട്ടത്തില്‍ തന്‍റെ മകനെ പോലും കടുത്തുരുത്തിയില്‍ മത്സരിപ്പിക്കാന്‍ ഭയപെട്ടു . ഏറ്റുമാനൂര്‍ MLA തോമസ്‌ ചാഴി കാടനോട് മോന്‍സിനെതിരെ നില്ക്കാന്‍ പറഞ്ഞെങ്കിലും അദേഹം തയാറായില്ല. അവസാനം മാണി അന്നത്തെ ജില്ല പഞ്ചായത്ത് വൈസ് പ്രസിഡന്റ്‌ ആയിരുന്ന സ്റ്റീഫെന്‍ ജോര്‍ജ്ജിനെ  രംഗത്തിറക്കി .

   രണ്ടു യുവ നേതാക്കന്മാര്‍ മാറ്റുരച്ച ആ മത്സരത്തില്‍ ഇരു മുന്നണികളുടെയും രാഷ്ട്രീയവും വികസന നേട്ടങ്ങളും എന്തിനു മോന്‍സിനാണോ സ്റ്റീഫെ നാണോ ഗ്ലാമര്‍ കൂടുതല്‍ എന്ന് വരെ കടുത്തുരുത്തിക്കാര്‍ ചര്‍ച്ചാ വിഷയമാക്കി. വീറും വാശിയും ഏറിയ ആ പോരാട്ടത്തില്‍ ക്നാനായ കത്തോലിക്കന്‍റെ മുന്‍പില്‍ റോമന്‍ കത്തോലിക്കന്‍   മുട്ട് കുത്തേണ്ടി വന്നു  . സ്റ്റീഫന്‍ ജോര്‍ജിന്‍റെ ഭൂരിപക്ഷം 4649 .
   പിന്നീടുള്ള 5 വര്‍ഷം തിരഞ്ഞെടുപ്പിനെക്കാളും വലിയ ഒരു മത്സരത്തിന്‍റെ കാലമായിരുന്നു . എവിടെ സ്റ്റീഫന്‍ ഉണ്ടോ അവിടെ മോന്‍സ് ഉണ്ട് !!! എവിടെ മോന്‍സ് ഉണ്ടോ അവിടെ സ്റ്റീഫന്‍ ഉണ്ട് !!!! മണ്ഡലത്തിലെ ഏതെങ്കിലും ഒരു വോട്ടര്‍ മരിച്ചു പോയാല്‍ അവരുടെ ബന്ധുക്കള്‍ അറിയുന്നതിന് മുന്‍പ് തന്നെ മോന്‍സും സ്റ്റീഫെനും റീത്ത് വെച്ച് കഴിഞ്ഞിരിക്കും !!കല്യാണവും മരണവും ഇല്ലാതെ ' ചുമ്മാ ബോറടിച്ചു ' ഇരിക്കുമ്പോള്‍ സമയം കളയാന്‍ മോന്‍സ് മണ്ഡലത്തിലെ മുക്കിലും മൂലയിലുമുള്ള പള്ളികളില്‍ ഒരേ ദിവസം മൂന്നും നാലും കുര്‍ബാനകള്‍ വരെ കാണാന്‍ പോകും എന്നൊക്കെ എതിര്‍ പക്ഷം പറഞ്ഞു പരത്തി . വിദേശത്ത് വെച്ച് മരിച്ച കടുത്തുരുത്തിക്കാരന്‍റെ 'ബോഡിയുടെ ' പുറകെ മോന്‍സും സ്റ്റീഫെ നും നടത്തിയ ഓട്ടമത്സരം മലയാളത്തിലെ മാധ്യമങ്ങള്‍ പോലും കൗതുക വാര്‍ത്തയാക്കി .

   2006 ല്‍ ഉമ്മന്‍‌ചാണ്ടി അതിവേഗം ബഹുദൂരം പിന്നിലാകുന്ന കാഴ്ചയാണ് സംസ്ഥാനം കണ്ടത് . കടുത്തുരുത്തി യില്‍ മോന്‍സും സ്റ്റീഫെ നും വീണ്ടും പരസ്പരം ഏറ്റുമുട്ടിയപ്പോള്‍ കഴിഞ്ഞ തവണ പരാജയപെട്ടിട്ടും മണ്ഡലത്തില്‍ ഉടനീളം നിറഞ്ഞു നിന്നത് മോന്‍സിന് തുണയായി. 2006 മേയ് മാസം നടന്ന വോട്ടെടുപ്പില്‍ MLA സ്ഥാനം മോന്‍സിന് തിരിച്ചു കൊടുക്കാനും സ്റ്റീഫന്‍ ജോര്‍ജിന് വീണ്ടും പഴയ വാദ്യാര് പണി കൊടുക്കാനുമായിരുന്നു ജനങ്ങള്‍ക്കിഷ്ടം .

   ആ വിജയം മോന്‍സിന്‍റെ ജീവിതത്തിലെ വലിയ ഒരു ഭാഗ്യം ആയിരുന്നു. LDF മന്ത്രിസഭയില്‍ നിന്ന് വിമാന യാത്രയിലെ ' കൈ ചുഴിയില്‍ ' പെട്ട് പി ജെ ജോസെഫും തുടര്‍ന്ന് വന്ന കുരുവിള ഭൂമി കുംഭ കോണത്തില്‍ പെട്ട് മന്ത്രിസഭയില്‍ നിന്നും ഒഴിയേണ്ടി വന്നതോടെ മോന്‍സിന്‍റെയും കടുത്തുരുത്തി യുടെയും ഭാഗ്യം തെളിയുകയായിരുന്നു. 2007 ഒക്ടോബര്‍ 18 നു കടുത്തുരുത്തി പള്ളിയില്‍ പ്രാര്‍ഥി ച്ചതിന് ശേഷം തലസ്ഥാന ത്തേ ക്ക് യാത്രയായ മോന്‍സ് അച്യുതാനന്ദന്‍ മന്ത്രിസഭയിലെ പൊതുമരാമ ത്തു വകുപ്പ് മന്ത്രിയായി തിരിച്ചു വന്നു.

ശാപമോക്ഷം കാത്തു കിടന്ന കേരളത്തലെ റോഡുകളെ ചുരുങ്ങിയ സമയത്തിനുള്ളില്‍ രക്ഷിക്കാന്‍ മന്ത്രി മോന്‍സ് നടത്തിയ ശ്രമം ഏവരെയും അത്ഭുതപെടുത്തി . കുറ്റവിമുക്തനായി തിരിച്ചു വന്ന പി ജെ ജോസെഫിനോടുള്ള കൂറ് പ്രഖ്യാപിച്ചു ഏകദേശം 2 വര്‍ഷത്തെ മികച്ച ഭരണത്തിന് ശേഷം മന്ത്രി കസേര ഉപേക്ഷിക്കാനും മോന്‍സ് തയാറായി.

തന്‍റെ രണ്ടാം വരവില്‍ നിശബ്ദനായി കാണപെട്ട പി ജെ ജോസഫ്‌ ബിഷപ്പുമാരുടെയും ക്രൈസ്തവ നേതാക്കന്മാരുടെയും നിര്‍ബന്ധത്താലും ഇനി LDF ന്‍റെ കൂടെ നിന്ന് 'മുന്നോട്ടു പോകാന്‍' ശക്തനല്ലാത്തതിനാല്‍ മാണിയുടെ കൂടെ കൂടാന്‍ ഒരു സുപ്രഭാതത്തില്‍ തീരുമാനിച്ചു . ആറും ഒന്‍പതും പ്രമാണങ്ങള്‍ ഒരുമിച്ചു ലംഘിച്ച പി.ജെ.ജോസഫ് എന്ന പാപിക്കുവേണ്ടി താന്‍ ക്രൂശിക്കപ്പെട്ടു എന്ന് പി സി ജോര്‍ജ്ജിന് വരെ ആക്ഷേപം ഉണ്ടെങ്കിലും വിശാലമനസ്കനായ മാണി അതൊന്നും കാര്യമാക്കിയില്ല .

സംസ്ഥാന തലത്തില്‍ ലയനം നടന്നുവെങ്കിലും കടുത്തുരുത്തിയില്‍ കാര്യങ്ങളുടെ ഗതി അത്ര പന്തിയല്ല . മാണി സാര്‍ സ്റ്റീഫന്‍ ജോര്‍ജ്ജിനോട്‌ കാണിച്ചത്‌ നെറി കേടാണെന്നും കടുത്തുരുത്തി സീറ്റ് മോന്‍സ് പെയ്മെന്‍റ് സീറ്റ് ആക്കിയെന്നും ആരോപിച്ചു മുന്‍ എം എല്‍ എ പി എം മാത്യു രംഗത്തെത്തികഴിഞ്ഞു .പഴയ എല്‍ ഡി എഫ് ബന്ധം ഉപേക്ഷിച്ചു അനായാസമായി ജയിക്കാനായി യു ഡി എഫ് കുപ്പായത്തില്‍ വരുന്ന മോന്‍സിനെ കടുത്തുരുത്തി ക്കാര്‍ പഴയത് പോലെ സ്വീകരിക്കുമോ എന്ന് അറിയാന്‍ അടുത്ത വര്‍ഷം വരെ കാത്തിരിക്കണം .

നമുക്ക് പാര്‍ക്കാന്‍ കാശ്മീര്‍ താഴ്വരകള്‍

2010-05-24T05:54:00.000-07:00

സുനന്ദേ, സോളമന്‍റെ സങ്കീര്‍ത്തനങ്ങളില്‍ പറയുന്ന പോലെ നമുക്ക് കാശ്മീരില്‍ ചെന്ന് രാപാര്‍ക്കാം. അതികാലത്തെഴുന്നെറ്റ് മുന്തിരിതോട്ടങ്ങളില്‍ പോയി മുന്തിരി വള്ളി തളിര്‍ത്തു പൂവിടുകെയും മാതള നാരകം പൂക്കുകയും ചെയ്തുവോയെന്നു നോക്കാം. അവിടെ വച്ച് ഞാന്‍ നിനക്ക് എന്‍റെ 'ഓഹരി' തരും

സുനന്ദേ, എത്ര നാളായി നമ്മളൊന്ന് ട്വീട്ടിയിട്ടു ? എനിക്ക് ട്വിട്ടെരില്‍ 726652 followers ഉണ്ടെങ്കിലും നീയല്ലാതെ എനിക്ക് വേറൊരു follower ഉം എന്‍റെ 'timeline ' ല്‍ വേണ്ട !!!
കഴിഞ്ഞ 11 മാസം ഒരു മാതിരി കന്നുകാലി ക്ലാസ്സില്‍ കഴിയുന്നത്‌ പോലെയല്ലേ ഞാന്‍ ജീവിച്ചത്. ഫയലുകള്‍ ,ക്യാബിനറ്റ് മീറ്റിംഗ് ,വിദേശകാര്യം, കോണ്‍ഗ്രസ്‌ യോഗം , ......എല്ലാം ഞാന്‍ മടുത്തു

പണ്ട് ഞാന്‍ വെറും ഒരു ലക്ഷം രൂപ ദിവസവാടകയ്ക്ക് താജില്‍ താമസിച്ചു എന്ന് പറഞ്ഞു എന്തൊക്കെ പുകിലാണ് അവന്മാര്‍ ഉണ്ടാക്കിയത് . Bloody country fellows !!അന്ന് ഞാന്‍ ജിംനേഷ്യത്തില്‍ പോയി ഉണ്ടാക്കിയ ഈ മസില് കണ്ടല്ലേ നീ ഈ മിനിസ്റ്റെറിന്‍റെ 'External Affairs ' ആയതു .
സത്യം പറഞ്ഞാല്‍ കേരള ടീമിന്‍റെ മുഴുവന്‍ ഓഹരിയും നിനക്ക് തന്നെ വാങ്ങിച്ചു തരണമെന്ന് ഉണ്ടായിരുന്നു . പക്ഷെ എന്ത് ചെയ്യാം ?? അതിനുള്ള സമയം പോലും അവന്മാര്‍ എനിക്ക് തന്നില്ല . ആ കൂതറ മോഡിയാണ് ഇതിനെല്ലാം കാരണം. അവന്‍റെ പഴയ കഞ്ചാവ് കച്ചവടം ഞാന്‍ പൊടി തട്ടി എടുത്തിട്ടുണ്ട് . എങ്ങിനെയെങ്കിലും അവനെ ജയിലില്‍ ആക്കണം . അതിന്റെയും കൂടി ' Mentor ' ആകാനുള്ള ഒരുക്കത്തിലാണ് ഞാന്‍..

എന്നാലും ആ മന്‍മോഹന്‍ സര്‍ദാര്‍ജീയും സോണിയാജീയും എന്നോടീ ചതി ചെയ്തല്ലോ ?? ഇതിനാണോ ഞാന്‍ യു എന്നിലെ ജോലിയും കളഞ്ഞു ആ തിരുവനന്തപുരത്ത് പോയി മത്സരിച്ചു ജയിച്ചത്‌ ? വെറുതെ മലയാളം പഠിച്ചു ഉള്ള സമയവും കളഞ്ഞു. ആ സമയത്ത് വെല്ലോ കാശ്മീരി പഠിച്ചിരുന്നെങ്കില്‍ എന്ന് ഞാനിപ്പോള്‍ ഓര്‍ത്തു പോവുന്നു .
അതെല്ലാം ഇനി മറക്കാം . .....ഇനി നമ്മുടെ ഐ പി ല്‍ കളി തുടങ്ങാം . പഴയ ഒരു കാനഡ ടീമിനെ കൂടി ഇനി പുറത്താക്കാന്‍ ഉണ്ട്. എന്‍റെ ആദ്യത്തെ ബംഗാള്‍ ടീമിനെ മാച്ച് ഫീസിന്‍റെ പകുതിയും കൊടുത്തു പണ്ടേ പറഞ്ഞു അയച്ചതാണല്ലോ .....ഇനി നമുക്ക് ഒരു Third Umpire ഉം വേണ്ടാ . ഔട്ട്‌ ആണോ നോട്ട് ഔട്ട്‌ ആണോ എന്ന് നീ പറഞ്ഞാല്‍ മതി. ഞാന്‍ ഒരു ' mentor ' മാത്രം !!
ഇനി വീണ്ടും മുണ്ട് ഒക്കെ ഉടുത്തു കേരളത്തില്‍ പോകാന്‍ എനിക്ക് വയ്യ !!!!!അവിടെ മഞ്ചേരിയില്‍ പോയി ഓഹരി മേടിച്ചവനും ഐസ് ക്രീം പാര്‍ലറിന്‍റെ ഓഹരി കോഴിക്കോട് മുഴുവന്‍ കൊടുത്തവനും വിമാനത്തില്‍ ഓഹരി കൊടുക്കാന്‍ നോക്കിയവനും ആണ് ഇപ്പോള്‍ നേതാക്കള്‍ . ആ ചെന്നിത്തലയെ മാറ്റി എനിക്ക് kpcc president ആയാല്‍ കൊള്ളാമെന്നുണ്ട് ...എല്ലാം ഒന്ന് തണുക്കട്ടെ .അതുകൊണ്ടാണ് ഇനി കുറച്ചു നാളു നിന്നോടൊപ്പം കശ്മീര്‍ മഞ്ഞു കൊണ്ടു ജീവിക്കാം എന്ന് കരുതിയത്‌.
പണ്ട് ഞാന്‍ ശശി മഹാരാജാവ് ആയിരുന്നു... ഇപ്പോള്‍ ഞാന്‍ വെറും ശശി...ചെല്ലകിളി ഈ തിരുവനന്തപുരം ശശിക്ക് ഇനി നീ മാത്രം . എന്തിര് ഇരുന്നു പിരുപ്പിക്കാന് ..പായലെ അടുത്ത ഫ്ലൈ റ്റിന് ഒരു വരവ് വരുന്നുണ്ട് കേട്ടോ ........

ട്വിറ്ററിലെ തമാശകള്‍ ....

2010-02-18T12:45:00.000-08:00

നമ്മുടെ നാട്ടിലെ ജനങ്ങള്‍ orkut , facebook ഒക്കെ മതിയാക്കി പുതിയ ഒരു കൂടാരത്തില്‍ എത്തിയിരിക്കുകയാണ് ....അതാണ് TWITTER...നമുക്ക് വായില്‍ തോന്നുന്നതെന്തും പറയാം .....ട്വീറ്റ് ചെയ്യാം.....കമന്റ്‌ അടിക്കാം... .എത്ര വലിയ ആള്‍ ക്കാരോട് പോലും നേരിട്ട് കാര്യങ്ങള്‍ ചോദിക്കാം ....ഇനി ഉത്തരം കിട്ടിയില്ലെങ്ങില്‍ അവന്‍റെ കുറ്റം മുഴുവന്‍ നാട്ടുകാരെ അറിയിക്കാം.....
പണ്ടൊക്കെ തൂലിക സൗഹൃദങ്ങള്‍ കിട്ടണമെങ്കില്‍ പത്രത്തില്‍ പരസ്യം ചെയ്യണം ....തപാല്‍ മുഖേനെ ലെറ്റര്‍ അയക്കണം ...ഇപ്പോള്‍ അതൊന്ന്നും വേണ്ടാ .... ട്വിറെരില്‍ രജിസ്റ്റര്‍ ചെയൂഉ......എല്ല്ലാം ഫ്രീ ആയിട്ട് എത്തികൊള്ളും...

പ്രധാനമായും 3 തരത്തില്‍ ഉള്ള tweeple ആണ് ഉള്ളത്...
ആദ്യത്തെ വിഭാഗം ശരിക്കും പറഞ്ഞാല്‍ നമ്മുടെ നാട്ടിലെ ആലിന്‍ ചുവട്ടിലും നല്കവലയിലും ഒരു പണിയുമില്ലാതെ ഇരിക്കേണ്ടവര്‍ ......വെളുപ്പിന് 6 മണിക്ക് Gudmrng tweeple എന്ന് പറഞ്ഞു തുടങ്ങും ....ആരെങ്കിലും ഒന്ന് ട്വീറ്റ് ചെയ്യാന്‍ നോല്കി നില്‍ക്കുകയാണ് .....അതിനു മറുപടി എഴുതാന്‍ ..ഇടയ്ക്ക് ചായ കുടിക്കാനും ചോറ് ഉണ്ണാനും മാത്രമേ ഇവര്‍ ട്വിറെരിന്റെ പുറത്തേക്കു പോകാറുള്ളൂ...രാത്രി 10 മണിയോടെ മനസില്ല മനസ്സോടെ അവര്‍ പിരിയും...
ഒരു ദിവസം ഒരുത്തന്‍റെ 'മുടിഞ്ഞ ' ട്വിടിംഗ് കഴിഞ്ഞു അവന്‍ രാത്രി bye bye പറഞ്ഞു പോയി .... വെളുപ്പിന് രണ്ടരയ്ക്ക് അവന്‍റെ വീണ്ടും ഒരു ട്വീറ്റ് " ഞാന്‍ ഇപ്പോള്‍ മൂത്രം ഒഴിക്കാന്‍ എഴുന്നേറ്റതാണ് " ഇവനെയൊക്കെ എന്ത് പറയാന്‍ അല്ലെ ?????

   രണ്ടാമത്തെ ആള്‍ക്കാരാണ് ഒരു പറ്റം ബുദ്ധിജീവികളും രാഷ്ട്രീയം അരിച്ചു കുടിക്കുന്ന രാഷ്ട്ര മിമാംസക്കാരും.....ഇവര്‍ക്ക് സാദാരണ കൊച്ചു വര്‍ത്തമാനം ഒന്നും ഇഷ്ടമേയല്ല....
ആഗോളവല്‍കരണവും ഹിന്ദുത്വ നിലപാടുകളും ഒക്കെ പറഞ്ഞു കഴിഞ്ഞു സമയമുണ്ടെങ്കില്‍ കേരളത്തില്‍ നടക്കുന്ന ചില കാര്യങ്ങളെ പറ്റി പറയും...BRP ഭാസ്കര്‍ നെ പോലുള്ളവരെ വയസ്സ് കാലത്ത് പോലും വെള്ളം കുടിപ്പിക്കുന്ന വിദ്വാന്മാരുണ്ട് ഇവിടെ....

   ഇനി അവസാനത്തെ വിഭാഗമാണ് ഏറ്റവും രസകരം....കേട്ടിട്ടില്ലേ... celebrity guest എന്നൊക്കെ ഇംഗ്ലീഷില്‍ പറയും.... നാട്ടിലെ ഒരു സീരിയലില്‍ വേലക്കാരിയായി അഭിനയിച്ചവള്‍ തുടങ്ങി ട്വിറെരിന്റെ ഇന്ത്യയിലെ ' തലതൊട്ടപ്പന്‍' എന്ന് അറിയപെടുന്ന Sashi Tharoor വരെയുള്ള നീണ്ട ലിസ്റ്റ് ...പരമാവധി കുറച്ചു ആള്‍ക്കാരെ follow ചെയ്യുകയാണ് ഇവരുടെ ഫാഷന്‍ ...ചില മലയാളി സിനിമ നടിമാര്‍ രണ്ടു മൂന്ന് സിനിമ കിട്ടിയാല്‍ പിന്നെ ഒടുക്കത്തെ ട്വിടിംഗ് ആണ്.....ഷൂട്ടിംഗ് ന്‍റെ ഓരോ വിശേഷങ്ങളും അപ്പപ്പോള്‍ ഇവര് മാലോകരെ വിളിച്ചു അറിയിക്കും....for eg" ഞാന്‍ ഇപ്പോള്‍ dressing room ലാണ് " അപ്പോള്‍ തന്നെ 100 questions മായി tweeple എത്തും ..."madam... dress മാറി കഴിഞ്ഞോ ? ഇനി ഏതു ഡ്രസ്സ്‌ ആണ് ഇടുന്നത്. ??
ഷൂട്ടിംഗ് ഒന്നും ഇല്ലാതെ കഞ്ഞി കുടിച്ചുകൊണ്ടു വീട്ടില്‍ ഇരിക്കുമ്പോള്‍ ആരും അറിയാതെ twitter അങ്ങ് നിര്‍ത്തി കളയും!!!!!!

   കോടിക്കണക്കിനു ജനങ്ങളുള്ള ഇന്ത്യയില്‍ ഒരേയൊരു മന്ത്രി മാത്രമേ ട്വിട്ടെരില്‍ സജീവമായുള്ള.... തിരുവനന്തപുരംകാരന്‍ 'ശശി' .......നാട്ടിലുള്ള എല്ലാവരുടെയും complaint കേള്‍ക്കാന്‍ ഇപ്പോള്‍ പുള്ളി മാത്രമേ ഉള്ളു എന്ന് തോന്നിപ്പോകും ....വീട്ടില്‍ current പോയാലും , brandy ക്ക് വില കൂടിയാലും അപ്പോള്‍ തന്നെ പുള്ളിക്കാരന് ട്വീറ്റ് ചെയ്തു അറിയിച്ചുകളയും ...
കഴിഞ്ഞ വര്‍ഷം അവതരിച്ച twitter ഇപ്പോള്‍ ഗൂഗിളിന്റെ BUZZ നെയും തിരമാലകളെയും അതിജീവിച്ചു കൊണ്ട് മുന്നോട്ടു പോകുകയാണ്
കഴിഞ്ഞ ദിവസം പത്രത്തില്‍ കണ്ടത് കേരളത്തില്‍ വിദ്യ ഭ്യാസ വകുപ്പ് അദ്യാപക രേയും വിദ്യാര്‍തികളെയും ഇപ്പോള്‍ ട്വിടിംഗ് പഠിപ്പിക്കാന്‍ പോവുകയാണ് എന്നാണ് ....ഫീസ്‌ ,പ്രോഗ്രസ്സ് റിപ്പോര്‍ട്ട്‌ തുടങ്ങിയ എന്തിനെ പാടിയും അറിയണ മെങ്കില്‍ ഇനി ട്വിട്ടെരില്‍ പോകണം ....
   ചുരുക്കത്തില്‍ കുറച്ചു നാള് കഴിയുമ്പോള്‍ ഒരുത്തന്‍ മരിച്ചോ എന്നറിയാന്‍ അവന്‍റെ ട്വീറ്റ് വല്ലതും ഉണ്ടോ എന്ന് നോക്കിയാല്‍ മതി !!! രണ്ടു ദിവസമായിട്ടു അവന്‍റെ tweets ഒന്നും ഇല്ലെങ്കില്‍ ഓര്‍ക്കുക.... അവന്‍റെ timeline തീര്‍ന്നു ...retweet um , 140 characters limitum ഒന്നും ഇല്ലാത്തൊരു ലോകത്തേക്ക് കാലനെ ' follow ' ചെയ്തു അവന്‍ പോയികഴിഞ്ഞു !!!!!!

തലയോലപറമ്പ് beveragesilekkulla എന്‍റെ പോക്ക് !!!!

2010-02-12T13:27:00.000-08:00

വൈക്കം മുഹമ്മദ്‌ ബഷീറിന്‍റെ ഇമ്മിണി ബല്യ നാടായ തലയോലപറമ്പിന്‍റെ അടുത്ത കാലത്തേ ഏതാനും മാറ്റങ്ങളില്‍ ഒന്നാണ് 'beverages corporation' ന്‍റെ വരവ് ..നൈസ് തിയേറ്റര്‍ ന്‍റെ അടുത്തുള്ള അങ്ങോട്ട്‌ ഞാനും പോയി ഒരു പ്രാവശ്യം..... രണ്ടു പ്രാവശ്യം ....അങ്ങനെ ഒത്തിരി പ്രാവശ്യം .....ഒരു ശനിയാഴ്ച് വൈകുന്നേരം 6 മണിയോടെയാണ് ഞാന്‍ MC BRANDY ഫുള്‍ മേടിക്കാന്‍ ബൈക്കില്‍ അങ്ങോട്ട്‌ ചെന്നത്..... ഞാന്‍ എന്‍റെ ഹെല്‍മെറ്റ്‌ മാറ്റാതെ ചുറ്റും നോക്കി....മൂന്നു നാല് ലോട്ടറീക്കാരും പിന്നെ എന്നെ പോലെയുള്ള കുറെ ' മാന്യന്മാരും' ....രാത്രിയാകുന്നത്തെ ഉള്ളുവെങ്കിലും നല്ല തിരക്ക്.... ആരും എന്നെ കാണാതിരിക്കാന്‍ ഹെല്‍മെറ്റ്‌ മാറ്റാതെ തന്നെ ഞാന്‍ ക്യുവില്‍ നിന്നു.....അആഹ്ഹ്ഹാ... എന്തൊരു സുഖം ആര്‍ക്കും എന്നെയോട്ടു മനസ്സിലാകത്തുമില്ല . ഹെല്‍മെറ്റ്‌ വെച്ചത് കൊണ്ട് രക്ഷപെട്ടു. ആരും നമ്മളെ കാണുകയില്ല ... അത് കൊണ്ടുള്ള വേറൊരു പ്രയോജനം നാട്ടിലെ LIC kkareyum കാശ് കൊടുക്കാനുള്ളവരെയും വെട്ടിച്ചു നടക്കാം എന്നതാണ്.....മിനിട്ടുകള്‍ കുള്ളില്‍ തന്നെ ഞാന്‍ counter ന്‍റെ അടുത്തെത്തി.....ഒരു നിമിഷത്തേക്ക് ഹെല്‍മെറ്റ്‌ മാറ്റിയപ്പോള്‍ അതാ ഒരു വിളി....എടാ... നീ എപ്പോള്‍ എവിടെയാ. ???? എന്‍റെ കൂടെ പണ്ട് പഠിച്ച ഒരുത്തന്‍ ..ഞാന്‍ പറഞ്ഞു..എടാ ഞാന്‍ ഇപ്പോള്‍ south africayil ആണ് ....അപ്പോള്‍ എന്‍റെ മുകത്ത്‌ നോക്കി അവന്റെ മറുപടി....."ങ്ങ നിന്നെ കണ്ടാലും തോന്നും 'പിന്നെ ചോദ്യങ്ങളായി.....അവിടെ യൊക്കെ opr കിട്ടുമോ ???? ഇവുടുത്തെ ബ്രാണ്ടി പോലെയാണോ അവിടെയും.....???അതിനു 'ഒരുകണക്കിന് ' മറുപടി പറയുമ്പോഴാണ് ചില ഖദര്‍ധാരികള്‍ ഓടി അങ്ങോട്ട്‌ വന്നത് ??? രാഷ്ട്രീയക്കാര്‍ക്ക് എന്താണ് beveragesil കാര്യം എന്നലോചിച്ചപ്പോഴാണ് ഒരു അനൌണ്‍സ് മെന്റ് വണ്ടീ അത് വഴി കടന്നു പോയത്......' കേരള കോണ്‍ഗ്രസിന്റെ മണ്ഡലം കണ്‍വെന്‍ഷന്‍ ഇന്ന് വൈകുനേരം തലയോലപറമ്പില്‍ ....ഹോ... ഇത് മറ്റാരുമല്ല മാണി സാറിന്‍റെ കര്‍ഷക സിദ്താന്തം നടപ്പിലാക്കാന്‍ beveragesil വന്ന കുട്ടി നേതാക്കന്മാരാണ് . പൊതു സമ്മേളനമായാലും കല്യാണം, ശവദാഹം , പള്ളിപെരുന്നാല്‍ എന്തുമായാലും 'കുപ്പി' ഇല്ലാതെ ഇപ്പോള്‍ ഒന്നും നടക്കില്ല തലയോലപറമ്പില്‍ . ഇപ്പോഴത്തെ കാലത്ത് +2 വിന് പഠിക്കുന്നവര് പോലും ഒരു quarter മുഴുവന്‍ അടിച്ചു തീര്‍ക്കും .. അവരുടെ മുന്‍പില്‍ നമ്മള്‍ വെറും ഒരു ' ശിശു' ..സാധനം മേടിക്കാന്‍ തുടങ്ങിയപ്പോള്‍ വേറൊരു ചേട്ടന്റെ വിളി ... എടാ ഒരു opr പൈന്റ്റ് മേടിച്ചേ ?? കറക്റ്റ് 110 രൂപയും തന്നു.... ഇങ്ങനെയൊക്കെയല്ലേ നമ്മുക്ക് ജീവിതത്തില്‍ മറ്റുള്ളവരെ സഹായിക്കാന്‍ പറ്റുവുള്ളു ..ഞാന്‍ ആ ജനലില്‍ കൂടി അകത്തോട്ട് മുഴുവന്‍ നോക്കി.....എല്ലാ രാജാക്കന്മാരും ഉണ്ടു ....HERCULES...NEPOLEAN അങ്ങനെ എല്ലാവരും ഒരു കുടകീഴില്‍ .നാട്ടില്‍ ഇപ്പോഴത്തെ താരം nepolean ആണ് ..mc യുടെ ചവര്‍പ്പുമില്ല mh ന്‍റെ അത്രയും വിലയുമില്ല....beverages ന്‍റെ അടുത്തുള്ള എല്ലാ കടക്കാരും soda മാത്രം വിറ്റാണ് ജീവിക്കുന്നത് എന്ന് തോന്നും....'ഒടുക്കത്തെ ' ബിസിനസ്‌...രാത്രി 12 വരെ എല്ലാവരും കസ്റ്റമേഴ്സ് നു വേണ്ടി വാതിലുകള്‍ തുറന്നിട്ടിരിക്കുന്നു....ഒരു തണുത്ത സോഡയും മേടിച്ചു വീട്ടില്‍ പോയ ഞാന്‍ ഒരു 'രാജാവിനെ ' പോലെ അന്നത്തെ രാത്രി ' അറുമാതിച്ചു'

Sister Jesme .....എന്തിനീ ആത്മകഥ ?????

2010-01-28T08:19:00.000-08:00

ഈ വര്‍ഷം നാട്ടിലേക്ക് പോകുമ്പോഴേ മനസ്സില്‍ കരുതിയിരുന്നതാണ് Sister jesmeyude ആത്മകഥ 'Amen' വായിക്കണമെന്ന് .കോട്ടയത്തെ രണ്ടു മൂന്നു കടകളില്‍ കേറിയിറങ്ങിയതിനു ശേഷമാണു 100 രൂപ വിലയുള്ള ആ വിവാദ പുസ്തകം കിട്ടിയത് ആകാശയാത്രയില്‍ മുന്നില്‍ ഇരിക്കുന്ന lcd screeninl സിനിമകള്‍ ഒന്നും പരതാതെ ഞാന്‍ ആ പുസ്തകം വായിക്കാന്‍ തുടങ്ങി....

നമ്മള്‍ കന്യസ്ത്രികളെ പറ്റി സ്ഥിരം കേള്‍ക്കാറുള്ള കാര്യങ്ങള്‍ ......കുശുമ്പ് , അസുയ, അച്ഛന്മാരോടുള്ള വിദ്ദേയത്വം ...... ഇതെല്ലാം എഴുത്ത് രൂപത്തില്‍ കണ്ടു എന്ന് മാത്രം .........ആദ്യ പേജുകളില്‍ ഉടന്നീളം സിസ്റ്റെരിനു മഠത്തില്‍ ചേരുവാന്‍ താല്പര്യം തോന്നിയ കാര്യങ്ങളാണ്‌ എഴുതിയിരിക്കുനത്.........എന്നാല്‍ പിന്നിട് ഒരു തരം സ്വയം പൊക്കി പറയാന്‍ വേണ്ടി വിഷയങ്ങള്‍ എടുത്ത് ഇട്ടതാണെന്ന് തോന്നുന്ന ചില കാര്യങ്ങള്‍ .......യുണി വേര്‍സിട്ടി റാങ്ക് , മേമിക്ക് മാത്രം ചെയ്യാന്‍ പറ്റുന്ന ചുമതലകള്‍ ..അങ്ങനെ പലതും.
'അനുഗ്രഹീത ഞെരിഞ്ഞിലുകളില്‍ ' വായനക്കാര്‍ക്ക്‌ പൂര്‍ണമായും വിശ്വെസിക്കാനാവാത്ത സംഭവമാണ് ' lal bagh' ലെ കാര്യം. പുരോഹിതന്മാരുടെയും ബിഷപ്പുമാരുടെയും അവിഹിത relations നെ പറ്റി പറഞ്ഞ ആ അച്ഛനെ വിശ്വസിച്ചു കൂടെ പോകേണ്ട ആവശ്യം ഉണ്ടായിരുന്ന്നോ?? സാഹചര്യം അനുകൂലം അല്ലെന്നു മനസിലായിട്ടും എന്തുകൊണ്ട് അവിടെ നിന്നും പോരാന്‍ ശ്രെമിച്ചില്ല ??? അതോ അത് ' അനുസരണ വ്രതം ' ആയിരുന്നോ ???നളിനി ജമീലയുടെ 'ഒരു വേശ്യയുടെ കഥ' യിലെ അതെ വികാരമാണ് സിസ്റ്റെരിന്റെ 'എനിക്കത് കാണുവാന്‍ ജിഞാസയായി ' എന്ന വരികള്‍കിടയിലും കാണുവാന്‍ കഴിയുന്നത്‌ ..... ആമുഖത്തില്‍ കുറിച്ചതുപോലെ യേശുവിന്‍റെ മാര്‍ഗത്തിലാണ് നാം നീങ്ങുന്നതെങ്കില്‍ മറയ്ക്കാന്‍ യാതൊന്നുമില്ല എന്ന ന്യായമാണോ പെണ്ശരീരം പുരോഹിതന്റെ മുന്‍പില്‍ കാണിക്കുമ്പോള്‍ തോന്നിയത് ???? നിങ്ങള്‍ കാണിച്ച ആ തെറ്റിന് നിങ്ങളെ banglore ലോട്ട് അയച്ച പ്രിന്‍സിപ്പല്‍നെ ശപിക്കുനത്‌ എന്തിനാണ് ???? യേശു കുരിശില്‍ കിടന്നു പീഡകള്‍ അനുഭവിച്ചതിന്റെ കുറ്റം മുഴുവന്‍ അവനെ അയച്ച ദൈവത്തിനു ആണോ ???

സിസ്റ്റര്‍ വിമി യുടെ ' നുഴഞ്ഞു കയറ്റത്തെ 'പറ്റി എഴുതിയ സിസ്റ്റര്‍ തന്നെ പേജ് 55 ല് "എന്നെ രക്ഷിക്കാന്‍ ആരുമില്ലാത്തതിനാല്‍ കുറച്ചു കാലത്തേക്ക് ഞാന്‍ അവരുടെ താല്പര്യങ്ങള്‍ക്ക് വഴങ്ങി" എന്ന് പറയുന്നു.... സിസ്റെര്‍മാരുടെ old age home ലെ കാര്യങ്ങള്‍ തീര്‍ച്ചയായും വായനക്കാരില്‍ കാരുണ്യം തോന്നിപ്പിക്കുന്നവയാണ് . മാനസികരോഗം 'മേമി' യില്‍ ആരോപിക്കുന്ന പേജുകള്‍ വേഗത്തില്‍ മറിച്ച് വിടാനാണ് എനിക്ക് തോന്നിയത്. Sister അഭയക്കും Sister അനൂപ മേരിക്കും ഇതേ മാനസിക രോഗം ആണല്ലോ സഭ പറഞ്ഞിരുന്നത് .

നാല് ചുവരുകള്‍കുള്ളില്‍ ഒരുത്തിരിയുന്ന സന്യസ്ഥ ജീവിതത്തിന്‍റെ ' വിക്രിതകളെ' പറ്റി സത്യപ്രകടനം നല്ലതായിരുന്നു. എന്നാല്‍ അതിന്‍റെ ഉദേശ ശുദ്ധി തനിക്കു ' പാര' പണിതവര്‍ക്ക് ഒരു 'പണി' കൊടുക്കുവാനല്ലയിരുന്നോ Sistere ???? ഈ പുസ്തകം ചൂടപ്പം പോലെ വിറ്റു പോകാന്‍ കാരണം എന്താണെന്നു സിസ്റ്റര്‍ ചിന്തിച്ചിട്ടുണ്ടോ ? ?? Sister കന്യകാലയത്തില്‍ നിന്നും പുറത്തു വന്ന കാരണങ്ങള്‍ അറിയാനല്ല , മറിച്ചു 'പൊടിപ്പും തൊങ്ങലും ' വെച്ച് എഴുതി ചേര്‍ത്ത ളോഹ ധാരികളുടെയും കര്‍ത്താവിന്‍റെ മണവാട്ടി മാരുടെയും ലൈഗിക താല്പര്യങ്ങളുടെ കഥകളോട് ഉള്ള 'ജിജ്ഞാസ' ആണ് 'ആമേന്‍' കേരളത്തില്‍ ജനപ്രീയമാക്കിയത് .
ചിലപ്പോള്‍ നിങ്ങളുടെ ആരോപണങ്ങള്‍ക്ക് സഭ മേലധികാരികള്‍ക്ക്‌ മറുപടി ഇല്ലായിരിക്കാം.ഹൈന്ദവ നേതാക്കന്മാരും കമ്മ്യൂണിസ്റ്റ്‌ ബുദ്ധിജീവികളും നിങ്ങളുടെ കൂടെ ഇപ്പോള്‍ ഉണ്ടായിരിക്കാം . പക്ഷെ വര്‍ഷങ്ങള്‍ കഴിയുമ്പോള്‍ നിങ്ങള്‍ ആലോചിക്കും ...... ' അന്ന് എനിക്ക് വേണ്ടി ജയ് വിളിച്ചവരും ഓശാന പാടിയവരും ഇപ്പോള്‍ എവിടെ' ????